By एभरेष्ट अन्लाईन खबर 
काश्की । नेपाल कम्युनिष्ट पार्टी (नेकपा) का अध्यक्ष पुष्पकमल दाहालले सरकारलाई अस्थिर बनाउने ढोका बन्द भएको बताउनुभएको छ । प्रदेश २ मार्फत केन्द्रलाई अस्थिर बनाउने खेल भइरहेको बताउँदै त्यो सम्भावना अव बन्द भएको उहाँले स्पष्ट पार्नुभयो ।
नेपाल पत्रकार महासंघ चार नम्बर प्रदेशले पोखरामा गरेको पत्रकार भेटघाटमा दाहालले संघीय समाजवादीको सरकारमा सहभागितासँगै केन्द्र सरकारकै प्रभावमा प्रदेश दुईमा सरकार बन्ने बाटो खुलेको पनि बताउनुभयो ।
आर्थिक वर्ष २०७५/७६ को बजेटको पक्ष र बिपक्षमा बहस हुनु सकारात्मक रहेको उहाँले बताउनुभयो । आगामी दिन अझ सन्तुलित ढंगले अगाडि बढ्ने पाठ सिकेको बताउँदै संघीय लोकतान्त्रिक गणतन्त्र अन्तर्गत तीनै तहको सरकार बनेपछिको पहिलो बजेट भएकाले पनि केही प्रश्नहरु उठेको उहाँले बताउनुभयो ।
अध्यक्ष दाहालले अहिलेको सरकार तानाशाही बन्न सम्भव नभएकाले अनावश्यक शंका गर्न जरुरी नभएको उल्लेख गर्नुभयो ।
