By एभरेष्ट अन्लाईन खबर 
काठमाडौं । काठमाडौं पुतलीसडकस्थित शेयर मार्केट भवनमा भीषण आगलागी भएको छ । उक्त भवनको चौथो तलामा रहेको एनआइसी ट्रेडिङ सेन्टरमा सोमबार बिहान ९ः३० बजे आगलागी भएको हो ।
आगो काठमाडौं महानगरपालिका, नेपाली सेनाको दमकल, प्रहरी र स्थानीयको प्रयासमा नियन्त्रणमा लिइएको थियो । आगलागीको कारण र क्षतिको विवरण आईनसकेको प्रहरीले जनाएको छ । आगो निभाउन चारवटा दमकल प्रयोग गरिएको थियो।
बिजुली सर्ट भएर आगलागी भएको महानगरीय प्रहरी वृत्त सिंहदरबारले जनाएको छ ।
