काठमाडौँ ।

फिफा विश्वकप २०२६ को भव्य समापनसँगै व्यक्तिगत विधाका उत्कृष्ट अवार्ड विजेताहरूको घोषणा गरिएको छ। यस पटकको विश्वकप उपाधि मात्र होइन, व्यक्तिगत विधाका महत्त्वपूर्ण विधामा समेत स्पेन र उसका स्टार खेलाडीहरूले आफ्नो बलियो वर्चस्व कायम गरेका छन्।

रोड्रीलाई ‘गोल्डेन बल’, मेसी र एम्बाप्पे पनि चम्किए

प्रतियोगिताभर उत्कृष्ट नेतृत्व र शानदार प्रदर्शन गरेका स्पेनका कप्तान रोड्री विश्वकपकै सर्वोत्कृष्ट खेलाडी घोषित हुँदै ‘गोल्डेन बल’ जित्न सफल भएका छन्। टोलीलाई च्याम्पियन बनाउन उनको मिडफिल्ड नियन्त्रण र रणनीतिक खेल अब्बल रह्यो।

यस्तै, उपविजेता बनेको अर्जेन्टिनाका कप्तान लियोनेल मेसीले आफ्नो खेल जादु कायमै राख्दै ‘सिल्भर बल’ हात पारेका छन्। फ्रान्सका स्टार फरवार्ड किलियन एम्बाप्पेले ‘ब्रन्ज बल’ मा चित्त बुझाउनु पर्यो।

एम्बाप्पेको कीर्तिमानी ‘गोल्डेन बुट’

‘ब्रन्ज बल’ मा रोकिए पनि फ्रान्सेली स्टार किलियन एम्बाप्पेले गोलको नयाँ इतिहास रचेका छन्। प्रतियोगिताभर कुल १० गोल गर्दै उनले ‘गोल्डेन बुट’ आफ्नो नाममा लेखाए। यो कीर्तिमानी प्रदर्शनसँगै एम्बाप्पे फिफा विश्वकप इतिहासकै सबैभन्दा धेरै गोल गर्ने खेलाडी समेत बनेका छन्।

सिमोनलाई ‘गोल्डेन ग्लोभ्स’ र कुबार्सी बने ‘सर्वोत्कृष्ट युवा खेलाडी’

स्पेनलाई च्याम्पियन बनाउन पोस्ट अगाडि पर्खाल बनेर उभिएका गोलकिपर उनाई सिमोनले ‘गोल्डेन ग्लोभ्स’ (उत्कृष्ट गोलकिपर) जितेका छन्। उनले पूरे विश्वकप अवधिभर केवल एक गोल मात्र खाएर अद्भुत रेकर्ड राखे।

रक्षापंक्तिमा सनसनीपूर्ण प्रदर्शन गरेका स्पेनकै १९ वर्षीय युवा डिफेन्डर पाउ कुबार्सी फिफा विश्वकप २०२६ को ‘सर्वोत्कृष्ट युवा खेलाडी’ घोषित भएका छन्। सानो उमेरमै उनले देखाएको परिपक्व रक्षात्मक प्रदर्शनले विश्वभरका फुटबल प्रेमीहरूको मन जित्न सफल भयो।

यस्तो रह्यो अवार्डको सूची:

विश्वकपको स्वर्ण ट्रफी स्पेनले उचालेसँगै व्यक्तिगत विधाका मुख्य मुख्य अवार्डहरूमा पनि स्पेनिस खेलाडीहरूकै दबदबा रह्यो, जसले स्पेनिस फुटबलको स्वर्णिम युग पुनरागमन भएको संकेत गरेको छ।

#FIFAWorldCup #FIFAWorldCup2026 #SpainVsArgentina #EverestOnlineKhabar #FootballNews