By एभरेष्ट अन्लाईन खबर 
काठमाडौं, जेठ २ । टोखा नगरपालिका–१ मा नेकपा एमालेका श्रीकृष्ण अधिकारी विजय भएका छन् भने वडा नम्बर–२ मा नेपाली कांग्रेसका दीपकराज जोशी र वडा नम्बर–३ मा नेपाली कांग्रेसकै सिंहराज श्रेष्ठ निर्वाचित भएका छन् ।
यस्तै, टोखा नगरपालिकाको प्रमुखमा नेपाली कांग्रेसका हरिहर अधिकारीले अग्रता कायय राखेका छन् ।
अधिकारीले तीन हजार १२३ मत प्राप्त गरेको निर्वाचन अधिकृत दीनबन्धु बरालले जानकारी गराए । उनकाअनुसार एमालेबाट प्रकाश अधिकारीले दुई हजार ३११ र नेकपा माओवादी केन्द्रका कल्पना शर्माले करिब एक हजार मत प्राप्त गरेका छन् ।
यसैगरी, नागार्जुन नगरपालिका–२ को वडाध्यक्षको नेकपा एमालेका खुमबहादुर केसी विजय भएका छन् ।
मंगलबार राति सम्पन्न भएको मतगणनामा एमालेका केसीले ७९१ मत ल्याइ विजय भएको निर्वाचन अधिकृत सुदर्शन लामिछानेले जानकारी गराऐ । वडा नम्बर–२ मा करिब एक हजार ८०० मतदाता रहेका छन् ।
यसैगरी, प्रमुखमा एमालेका कृष्णहरि खत्रीले अग्रता लिएका छन् ।
निर्वाचन अधिकृत लामिछानेकाअनुसार खत्रीले एक हजार १४ मत, नेपाली कांग्रेसका मोहनबहादुर बस्नेतले ४६० र नेकपा माओवादी केन्द्रका कुमार तामाङले ११५ मत ल्याएका छन् ।
