By एभरेष्ट अन्लाईन खबर 
एजेन्सी । पपस्टार माइकल ज्याक्सनकी छोरी पेरिस ज्याक्सनले आफू समलिंगी भएको खुलासा गरेकी छन् ।
हाल १९ वर्षीया पेरिसले आफू ब्रिटिस मोडल तथा अभिनेत्री कारा डेलेवेनसँग रिलेसनसिपमा रहेको पनि जानकारी दिएकी छन । पेरिसका भाई प्रिन्सले यदि माइकल ज्याक्सन जीवित भएको भए यो कुरा सुनेर गर्व महसुस गर्थे भन्दै प्रतिक्रिया दिएका छन ।
लामो समयदेखि पेरिस र काराको सम्बन्धबारे सञ्चारमाध्यममा चर्चा चल्दै आएको छ । पछिल्लो समय दुवैजनाले रिलेशनसिपबारे पुष्टि गरेका हुन ।
ज्याक्सन परिवार पनि पेरिसको यो रोजाइले खुसी छन् । केही समय पहिले पेरिस र काराले एक–अर्कालाई चुम्बन गरिरहेको तस्बिर सार्वजनिक भएको थियो ।
