By एभरेष्ट अन्लाईन खबर 
कैलाली । धनगढी प्रिमियर लिग (डीपीएल) क्रिकेटको उद्घाटन खेलमा धनगढी चौराहले काठमाडौं गोल्डेन्सलाई जितका लागि १४६ रनको लक्ष्य प्रदान गरेको छ ।
टस हारेर पहिले ब्याटिङ गरेको चौराहले निर्धारित २० ओभरको खेलमा ६ विकेट गुमाउँदै १४५ रन बनाएको हो । उसका लागि आक्रामक पारी खेलेका सुनिल धमलाले ५७ बलमा ६८ रन बनाए भने शंकर रानाले ३६ रन जोडे ।
काठमाडौं गोल्डेन्सका लागि साहब आलमले हृयाट्रिक विकेट लिएका छन् । उनले १८ औं ओभरमा लगातार तीन विकेट लिएका हुन । तेस्रो बलमा सुजिन धमलाकको विकेट लिएका आलमले अर्को बलमा सोमपाल कामी र त्यसपछिको बलमा सोनु तामाङलाई आउट गरेका हुन ।
