By एभरेष्ट अन्लाईन खबर 
काठमाडौं । काठमाडौंमा जारी एभरेष्ट प्रिमियर लिग (ईपीएल) क्रिकेटमा चितवन टाइगर्सले पहिलो जित निकालेको छ । ललितपुर पेट्रियट्सलाई ५ विकेटले पराजित गर्दै चितवनले जित दर्ता गराएको हो ।
ललितपुरले दिएको १३१ रनको लक्ष्य चितवनले १९ ओभर २ बलमा मात्र ५ विकेटले पूरा गर्यो । चितवन अघिल्ला तीन खेलमा पराजित भएको थियो । यस्तै ललितपुरको यो लगातार तेस्रो हार हो ।
चितवनको जितमा कप्तान दिपेन्द्र सिहं एरीले ५५ तथा भारतीय खेलाडी प्रविन गुप्ताले नटआउट ५६ रन बनाए । ललितपुरका सन्नी पटेलले ३ तथा सन्दिप लामिछाने र ललित राजवंशीले समान १ – १ विकेट लिए ।
यसअघि टस जितेर पहिले ब्याटिङ गरेको ललितपुरले पुरै २० ओभरमा अलआउट हुँदै १३० रन बनाएको थियो । ललितपुरका जय किशन कोल्सावालाले ३१ तथा शंकर रानाले २७ रन जोडे ।
