By एभरेष्ट अन्लाईन खबर 
काठमाडौं । गुण्डा नाइके अशोक लामामाथि प्रहरीले काठमाडौंको युएन पार्कमा गोली प्रहार गरेको छ । महानगरीय अपराध महाशाखाबाट रेगुलर सर्च अप्रेशनमा खटिएको प्रहरी टोलीमाथी आक्रमण प्रयास गरेपछि लामामाथि गोली प्रहार गरिएको जनाइएको छ ।
सातदोबाटोलाई आधार मानेर लामाले गुण्डागर्दी गर्दै आएका प्रहरीको दाबी छ । लामाको साथबाट एक थान पेस्तोल र दुई राउण्ड गोली प्रहरीले बरामद गरेको छ ।
लामाको दायाँ खुट्टाको माथिल्लो भागमा एक राउण्ड गोली लागेको छ । उनको वीर अस्पताल उपचार भैरहेको छ ।
