By एभरेष्ट अन्लाईन खबर 
एजेन्सी । फ्रेन्च लिग फुटबलमा शीर्ष स्थानको पेरिस सेन्ट जर्मेन (पीएसजी) ले सहज जित निकालेको छ । पीएसजीले मार्सेलीलाई ३–० ले हराएको हो ।
पीएसजीलाई जित दिलाउन केलियन एमबाप्पे र एडिन्सन काभानीले समान एक एक गोल गरे । पिएसजीले एक गोल आत्मघाती उपहार पाएको थियो ।
मार्सेलीविरुद्ध जित निकाल्ने क्रममा पिएसजीका स्टार स्ट्राइकर नेयमार भने घाइते भएका छन् । खेलको दौरान खुट्टाको एन्कलमा समस्या देखिएपछि नेयमार स्ट्रेचरको सहायतामा मैदानबाट बाहिरिएका थिए । खेलको ८० औं मिनेटमा नेयमारले मैदान छाडेका हुन् ।
यो जितसँगै लिग लिडर पिएसजीले २७ खेलबाट ७१ अंक जोडेको छ । पीएसजी दोस्रो स्थानको मोनाको भन्दा १४ अंकले पछि छ । मोनाकोको ५७ अंक छ । मार्सेली ५५ अंक जोडेर तेस्रो स्थानमा छ ।
