By एभरेष्ट अन्लाईन खबर 
इजरायलको कारागारमा रहेका प्यालेस्टायनी कैदीबन्दीहरुले कारागारमा भोक–हड्ताल सुरु गरेका छन् ।
इजरायल र प्यालेस्टायनबीच बढ्दो तनावकाबीच बन्दी जीवन बिताइरहेका ७०० भन्दा बढी कैदीबन्दीहरु हड्तालमा उत्रिएका हुन् ।
महिनौं बन्दी जीवन बिताइसक्दा पनि आफूहरुविरुद्ध कुनै मुद्दा दर्ता नगरी बिनाकारण कारागारमा राखेको भन्दै उनीहरुले भोक–हड्ताल थालेका हुन् ।
प्यालेस्टायनी नेता मोहमद अब्बासको पार्टीका नेता बारघोउटीको नेतृत्वमा भोक–हड्तालमा उत्रेका कैदीबन्दीहरुमा अधिकांश इजरायल आक्रमणको आरोप लागेकाहरु छन् ।
