By एभरेष्ट अन्लाईन खबर 
काठमाडौं । प्रधानमन्त्री शेरबहादुर देउवाले प्रदेश प्रमुख र प्रदेशको अस्थायी राजधानी तोक्न पाँच दलका नेताहरुसँग छलफल गर्ने भएका छन् ।
यससम्बन्धी छलफल गर्न बिहीवार बिहान प्रधानमन्त्री कार्यालय बालुवाटारमा बैठक बस्ने भएको छ । प्रधानमन्त्री देउवाले बिहीबार बिहान ९ बजे यसका लागि बैठक आह्वान गरेका हुन ।
बैठकमा कांग्रेस, नेकपा एमाले, माओवादी केन्द्र, राजपा र संघीय समाजवादी फोरमका नेताहरुसंग छलफल हुनेछ ।
सरकारले यसअघि प्रदेश नं १ को विराटनगर, प्रदेश नं २ को जनकपुर, प्रदेश नं ३ को भक्तपुरको ठिमी, प्रदेश नं ४ को पोखरा, प्रदेश नं ५ को दाङ, प्रदेश नं ६ को सुर्खेत र प्रदेश नं ७ को धनगढी अस्थायी मुकाम हुने खाका पेश गरेको छ ।
