By एभरेष्ट अन्लाईन खबर 
काठमाडौं । नेकपा एमाले र माओवादी केन्द्रबीच पार्टी अध्यक्ष र प्रधानमन्त्री पदको टुङ्गो लागेपछिमात्र पार्टी एकता प्रक्रिया अघि बढने भएको छ । एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहालबीचको वान टु वान वार्तामै यो बिषयको कुरो नमिलेपछि पार्टी एकता संयोजन समितिको बैठक समेत बस्न सकेको छैन ।
माओवादी केन्द्रका नेता टेकबहादुर बस्नेतका अनुसार माओवादीले एमालेलाई दुइ मध्ये एक पद रोज्न आग्रह गरेको छ । एमालेले छोडेको पद आफूहरु लिन तयार रहेको उनले स्पष्ट पारे ।
दुई पार्टीबीच एकीकरणका लागि सैद्धान्तिक धरातल पनि स्पष्ट हुँदै गएको नेता बस्नेतले बताए । जबज र माओवादका बिषयमा बिस्तारै स्पष्ट हुँदै जान्छ, हाल यो बिषयमा खासै समस्या नभएको उनले बताए ।
नेकपा एमालेका नेताहरुले भने प्रधानमन्त्री, पार्टी अध्यक्ष, संसदीय दलका नेता र राष्ट्रपतिमा पनि आफनै दाबी गर्दै आएका छन ।
