By एभरेष्ट अन्लाईन खबर 
काश्की । पोखराको फेवातालमा खसेका ६ वटा प्याराग्लाडिङका १३ जनाको सकुशल उद्दार भएको छ । कास्कीको सराङकोटबाट उडेका यात्रुसहितका छ वटा प्याराग्लाइडिङ तीव्र गतिको हावाका कारण अनियन्त्रित भइ फेवातालमा खसेका थिए ।
काश्की प्रहरीका अनुसार ग्लाइडरसहित फेवातालमा खसेका १३ जनाको उद्दार गरिएको हो । पाइलट र यात्रु सकुशल रहेको प्रहरीले जनाएको छ । पाँचवटा टेण्डम फ्लाइट र एउटा सोलो फ्लाइटको प्याराग्लाइडर फेवातालमा खसेको थियो ।
प्याराग्लाइडर सिधै नभएर हावाको चाप अनुसार विस्तारै सुरक्षित रुपमा तालमा खसेकाले क्षति नभएको बताइएको छ । प्याराग्लाइडर तालमा खसेलगत्तै त्यहाँ तैनाथ उद्धारकर्मीहरूले डुंगाको सहायताले तत्कालै उद्दार गरेका थिए ।
एयर स्पोर्टस एशोसियसन, जलारी समूह लगायतको डुंगाले यात्रु र पाइलटको उद्दार गरेका थिए ।
