By एभरेष्ट अन्लाईन खबर 
काठमाण्डाैँ , भाद्र-२० दाङको तुलसीपुरमा आयोजित ‘खसी कप फुटबल प्रतियोगिता’ खेल्ने क्रममा आपसी विवादले उग्ररूप लिएपछि खुकुरी प्रहार भएको छ। घटनामा परेर एक जना गम्भीर घाइते भएका छन्। खुकुरी प्रहार गरेको आरोपमा प्रहरीले पाँच जनालाई पक्राउ गरेको छ ।
स्थानीय खेल मैदानमा चलिरहेको उक्त प्रतियोगिताको एक खेल सकिएपछि दुई टिमबीच भनाभन सुरु भएको थियो। प्रत्यक्षदर्शीका अनुसार विवाद चुलिँदै जाँदा एक जनाले झोलाबाट खुकुरी निकालेर प्रहार गरेका थिए।
खुकुरी प्रहारबाट घाइते भएका व्यक्ति २२ वर्षीय रमेश चौधरी रहेका छन्, जसलाई तत्कालै राप्ती प्रादेशिक अस्पताल, तुलसीपुरमा उपचारका लागि पठाइएको प्रहरीले जनाएको छ। उनको अवस्था गम्भीर भए पनि खतरामुक्त रहेको जनाइएको छ।
प्रहरीका अनुसार खुकुरी प्रहार गर्ने व्यक्ति २४ वर्षीय लोकबहादुर थापा रहेको पहिचान भएको छ। उनलाई घटनास्थलबाटै पक्राउ गरिएको र घटनाबारे थप अनुसन्धान भइरहेको इलाका प्रहरी कार्यालय तुलसीपुरले जनाएको छ।
‘खसी कप फुटबल प्रतियोगिता’ स्थानीय युवा क्लबको आयोजनामा हरेक वर्ष तिहारको अवसरमा आयोजना गरिँदै आएको छ। प्रतियोगिता खेल र मनोरञ्जनको माध्यम होस् भन्ने उद्देश्यसहित आयोजना गरिए पनि यसपटकको घटनाले सुरक्षाको चासो बढाएको छ।
