By एभरेष्ट अन्लाईन खबर 
२०७६ पुस २०, काठमाडौँ । कृषि विकास बैंकको सिस्टम ह्याक गरी एक करोड भन्दा बढी रकम निकालेर फरार रहेका एक व्यक्ति पक्राउ परेका छन् । महानगरी प्रहरी अपराध महाशाखाको टोलीले मोरङको रंगेली नगरपालिका २ का ४३ वर्षीय दीपक नेपाललाई पक्राउ गरेको हो । नेपालले नाइजेरियन तथा भारतीय कुख्यात ह्याकरसँग मिलेर भारतको मुम्बई तथा नेपालमा बसी नेपाली बैंकहरुको रकम निकाल्ने गरेका थिए । पक्राउ परेका नेपालले ५ अर्बभन्दा बढी रकम निकाल्ने योजना बनाएको प्रहरीले दाबी गरेको छ ।
