वाशिङ्टनमा गोलीकाण्डपछि ट्रम्प प्रशासन कडा, १९ देशका ग्रीन कार्डहरूको व्यापक समीक्षा सुरु

(वाशिङ्टन डी.सी., मंसिर १२, २०८२) – अमेरिकी राष्ट्रपति डोनाल्ड ट्रम्पको प्रशासनले अफगानिस्तानसहित १९ वटा उच्च जोखिमयुक्त देश का नागरिकहरूलाई जारी गरिएका ग्रीन कार्ड (स्थायी बसोबास अनुमति) र पूर्व राष्ट्रपति जो बाइडेनको कार्यकालमा स्वीकृत भएका शरणार्थी मामिलाहरूको व्यापक समीक्षा गर्ने आदेश दिएको छ।
वाशिङ्टन डी.सी. नजिकै नेशनल गार्डका सदस्यहरूमाथि भएको गोलीकाण्डपछि यो कदम चालिएको हो, जसमा एक महिला सैनिकको मृत्यु भएको छ र अर्का एक गम्भीर घाइते भएका छन्। गोलीकाण्डमा पक्राउ परेका सन्दिग्ध व्यक्ति अफगान नागरिक रहमानुल्लाह लकनवाल थिए, जसलाई २०२१ मा बाइडेन प्रशासनको ‘अपरेशन एलाइज वेलकम’ कार्यक्रमअन्तर्गत अमेरिकामा प्रवेश दिइएको थियो।
समीक्षाको कारण र नेत्तृत्वको निर्देशन

गोलीकाण्डपछि अमेरिकी अधिकारीहरूले सन्दिग्ध अफगान नागरिकले राष्ट्रिय सुरक्षामा खतरा उत्पन्न गरेको ठहर गरे।
यस घटनालाई ट्रम्पले ‘ठूलो राष्ट्रिय सुरक्षा खतरा’ को रूपमा व्याख्या गर्दै ‘लापरवाह पुनर्वास नीति’ को परिणाम भनेका छन्।
ट्रम्प प्रशासनको आदेश:
अमेरिकी नागरिकता तथा आप्रवासन सेवा (USCIS) का निर्देशक जोसेफ एडलोले राष्ट्रपतिको निर्देशनसहित १९ देशका प्रत्येक विदेशीको ग्रीन कार्डको पूर्ण-स्तरीय र कठोर जाँच (Full-scale and rigorous scrutiny) को आदेश दिएको घोषणा गर्नुभएको छ।
USCIS निर्देशक जोसेफ एडलो: “यो देश र अमेरिकी जनताको सुरक्षा सबैभन्दा जरूरी छ। अमेरिकीहरूले अघिल्लो सरकारको लापरवाह पुनर्वास नीतिको खर्च उठाउने छैनन्।”
ट्रम्प प्रशासनका अनुसार, यो समीक्षाको उद्देश्य अवैध र अशान्ति फैलाउने आप्रवासीहरूको सङ्ख्यामा ठूलो कटौती गर्नु हो।
‘निशानामा’ परेका १९ देशहरू
समीक्षा गरिने १९ देशहरूको सूचीमा निम्न देशहरू समावेश छन्:
१२ देशमा लगभग पूर्ण प्रवेश प्रतिबन्ध (पहिलेदेखि नै लागू):अफगानिस्तान
म्यान्मार (बर्मा)
चाड
कांगो-ब्राजाभिले
इक्वेटोरियल गिनी
एरिट्रिया
हैती
इरान
लिबिया
सोमालिया
सूडान
यमन
बाँकी ७ देशहरू (जसको समीक्षा गरिने):बुरुन्डी
क्यूबा
लाओस
सिएरा लियोन
टोगो
तुर्कमेनिस्तान
भेनेजुएला
USCIS ले नयाँ नीतिअन्तर्गत अधिकारीहरूलाई आवेदकको मूल देशलाई ‘अहम नकारात्मक कारक’ मान्ने अनुमति दिइने बताएको छ। विशेष गरी, अफगानिस्तानमा ‘सहकारी केन्द्रीय प्राधिकरण नभएको’ र ‘सही छनोट तथा जाँचका तरिकाहरू नभएको’ भन्दै त्यहाँबाट आउने अध्यागमन अनुरोधहरूलाई प्रक्रियामा रोक लगाइएको छ।
थप प्रभाव र भावी कदम
ट्रम्पको यस निर्णयले अमेरिकामा स्थायी बसोबास गरिरहेका १९ देशका ग्रीन कार्ड धारकहरूमा डरको वातावरण सिर्जना गरेको छ।
ट्रम्पले भविष्यमा ‘असुरक्षित’ वा ‘थर्ड वर्ल्ड’ देशहरूबाट हुने आप्रवासनलाई ‘पूरै रोक्ने’ प्रतिबद्धता समेत व्यक्त गर्नुभएको छ।