By एभरेष्ट अन्लाईन खबर 
ललितपुर ।तेस्रो धनलक्ष्मी स्मृति राष्ट्रिय स्क्वास प्रतियोगितामा पुरुषतर्फ अर्हान्त केशर सिन्हा र महिलातर्फ भावना सुनुवार च्याम्पियन बनेका छन् । ललितपुरको सातदोबाटोस्थित नेपाल स्क्वास र्याकेट्स संघको कोर्टमा शनिबार भएको फाइनल खेलमा अमृत थापामगरलाई ३–१ को सेटमा हराउँदै अर्हान्तले उपाधि जितेका हुन् ।
महिलातर्फ कृष्णा थापामगरलाई ३–० को सोझो सेटमा हराउँदै भावना सुनवारले उपाधि जितिन् । कृष्णाविरुद्धको खेल भावनाले ११–५, ११–७ र ११–१ को सोझो सेटमा जितेकी हुन् ।
