By एभरेष्ट अन्लाईन खबर 
काठमाडौं । नेपाली सेनाको भैरवनाथ गणमा ग्रीनेड विस्फोट हुँदा पाँचजना सैनिक घाइते भएका छन् ।शुक्रबार बिहान काठमाडौं, महाराजगन्जस्थित गणमा तालिमकाक्रममा ग्रीनेड विस्फोट भएको सेनाले जनाएको छ । जसमा एक सैनिक गम्भीर घाइते भएको र चारजनाको अवस्था सामान्य रहेको जनाइएको छ ।
सेनाका प्रवक्ता गोकुल भण्डारीले गम्भीर घाइते भएका सैनिकको त्रिवि शिक्षण अस्पताल महाराजगन्जको आइसियुमा उपचार भइरहेको र अरु चारजनाको सैनिक अस्पताल छाउनीमा उपचार भइरहेको जानकारी दिए ।
ग्रीनेड विस्फोट के–कति कारणले भएको भन्नेबारे अनुसन्धान भइरहेको सेनाले जनाएको छ ।
