By एभरेष्ट अन्लाईन खबर 
काठमाडौं । कञ्चनपुरकी निर्मला पन्त हत्या प्रकरण र अनुसन्धानको पछिल्लो अबस्थाबारे सांसदहरुले जानकारी माग्दा गृहमन्त्री रामबहादुर थापाले त्यसबारे जानकारी गराउँन इन्कार गरेका छन्।
आइतबार संसदको राज्य व्यवस्था समितिको बैठकमा समितिका सदस्यद्वय देवेन्द्रराज कडेँल र प्रेम सुवालले पन्त हत्याको अनुसन्धानबारे पछिल्लो अबस्था के छ भन्ने जानकारी मागेका थिए।
गृहमन्त्री थापाले आइतबारको बैठक नागरिकता ऐन संशोधन विधेयकको छलफल भएकोले पन्त हत्या प्रकरणबारे जानकारी गराउँनै चाहेनन् । उनले भने ‘पन्त हत्या प्रकरणबारे जानकारी गराउँने यो उपयुक्त ठाउँ होइन।’
गृहमन्त्री थापाले यसो भनेपछि राज्यव्यवस्था समितिका सभापति शशि श्रेष्ठले यो विषयमा मन्त्रीसँग छलफल भइरहेको भन्दै सरकारको बचाउ गरेकी थिइन्।
