By एभरेष्ट अन्लाईन खबर 
काठमाडौँ। काठमाडौँको कलंकीमा नक्कली स्याम्पो उद्योगमा सञ्चालनमा रहेको पाइएको छ । महानगरीय प्रहरी परिसरले कलंकीस्थित ‘नक्कली स्याम्पो र मसला उद्योग’ मा छापा मारेर ४ जनालाई पक्राउ गरेसँगै यो रहस्य खुलेको हो ।
भारतीय ब्राण्डको हेयर एण्ड सोल्डर स्याम्पो र बीएमसी मसला बनाउने नक्कली उद्योगमा छापा मारेर बासप्रसाद र ज्योती विडारीसहित कामदारलाई पक्राउ गरेको हो । विडारी दम्पतीकै घरमा उद्योग सञ्चालनमा थियो ।
परिसरका प्रहरी निरीक्षक अनिल ठकुरीको नेतृत्वमा गएको टोलीले नक्कली उद्योगमा छापा मारेको हो । परिसरका प्रमुख एसएसपी वसन्त लामाले छापा मारेर ठूलो परिमाणमा स्याम्पो र मसला बरामद गरिएको जानकारी दिए ।
