By एभरेष्ट अन्लाईन खबर 
एजेन्सी । बार्सिलोनाका फरवार्ड लियोनल मेसीले एकसाथ दुई अवार्ड जितेका छन् । स्पेनिस पत्रिका मार्काले प्रदान गर्ने ‘मार्का फुटबल अवार्ड’ मा मेसीले उच्च गोलकर्ता र उत्कृष्ट खेलाडीको अवार्ड जितेका हुन् ।
गत सिजन बार्सिलोनालाई ला लिगाको उपाधि दिलाउने क्रममा मेस्सीले ३४ गोल गरेका थिए । मेसीले पाएको यो अवार्ड पाँचांै हो । यसअघि उनले २००९–१०, २०११–१२, २०१२–१३ र २०१६–१७ को सिजन यो अवार्ड जित्न सफल भएका थिए ।
मेसीले अल्फ्रेडो डी स्टेफानो प्लेयर अफ दी सिजनको अवार्ड पनि जितेका छन् । अवार्ड थापेपछि मेसीले जारी सिजन स्पेनिस ला लिगा पहिलो भन्दा प्रतिस्पर्धात्मक भएको बताए । उनले हरेक टोली ला लिगामा जित्न सक्षम रहेको बताए ।
