By एभरेष्ट अन्लाईन खबर 
काठमाडौं, वैशाख ९ । नेपाली कांग्रेसका सभापति शेरबहादुर देउवाले आगामी स्थानीय तहको निर्वाचनका सक्रियतापूर्वक सहभागी हुन पार्टीका नेता तथा कार्यकर्तालाई निर्देशन दिएका छन् ।
पार्टी केन्द्रीय कार्यालय सानेपामा शनिबार भएको कार्यक्रममा सभापति देउवाले निर्वाचनको माहोल तयार भइसकेकाले सक्रियतापूर्वक सहभागी हुन निर्देशन दिएका हुन् ।
उनले निर्वाचनपछिमात्रै मुलुकले आर्थिक विकासमा फड्को मार्ने भएकाले स्थानीय तहमा जित सुनिश्चित बनाउन अपिल गरे ।
सभापति देउवाले निर्वाचन असफल पार्ने षड्यन्त्रसमेत भइरहेकोतर्फ ख्याल गर्न नेता तथा कार्यकर्तालाई निर्देशन दिए ।
उनले निर्वाचन हुनेमा कुनै आशंका नगर्न आग्रह गरे ।
मधेसकेन्द्रित दलहरु पनि निर्वाचनमा सहभागी हुने भएकाले मुलुकले गति लिने उनको भनाइ थियो ।
