By एभरेष्ट अन्लाईन खबर 
काठमाडौं ।काठमाडौंको तीनकुनेस्थित गैह्रीगाउँमा छुरा प्रहारबाट दुई युवा घाइते बनेका छन् । अनिल श्रेष्ठ नाम गरेका एक र अर्का घाइतेको नाम खुलेको छैन ।
दुबैजनाको बानेश्वरस्थित सिभिल अस्पतालमा उपचार भइरहेको छ । उनीहरु दुबै अन्दाजी २० वर्षका छन् । घटनाको कारण भने अझै पत्ता लागेको छैन । घटनाको विषयमा अनुसन्धान भइरहेको महानगरीय प्रहरी वृत्त नयाँ बानेश्वरले बताएको छ । स्थानीय प्रत्यक्षदर्शीका अनुसार दुई घाइते दौडिदै आएर सडकपेटीमै लडेर बेहोस भएका थिए ।
त्यसपछि स्थानीय पसलेले प्रहरीलाई खबर गरी घाइतेलाई अस्पताल पठाएका हुन् । तिनकुनेको यस क्षेत्रमा पटक पटक यसप्रकारका सामूहिक झगडा हुने गरेको स्थानीयबाशीको गुनासो छ ।
