By एभरेष्ट अन्लाईन खबर 
एजेन्सी । दक्षिण अफ्रिकाले अष्ट्रेलियासँगको एक मात्र खेलको टि–ट्वान्टी क्रिकेट सिरिज जितेको छ । घरेलु टोली अष्ट्रेलिया २१ रनले पराजित भएको हो । वर्षाको कारण खेल १० ओभरमा छोट्याइएको थियो । त्यही १० ओभरमा १०९ रनको चुनौति पछ्याउँदै ब्याटिङ गरेको अष्ट्रेलियाले ७ विकेटको क्षतिमा ८७ रन मात्र बनाउन सकेपछि दक्षिण अफ्रिकाले सहज जित निकालेको हो ।
यसअघि टस हारेर पहिले ब्याटिङ गरेको दक्षिण अफ्रिकाले निर्धारित १० ओभरमा ६ विकेटको क्षतिमा १०८ रन बनाएको थियो । दक्षिण अफ्रिकाका लागि कप्तान फाफ् डु प्लेसिस्ले २७ रन बनाउँदा क्विन्टन डि कक्ले २२ रनको योगदान दिएका थिए ।
