By एभरेष्ट अन्लाईन खबर 
काठमाडौँ । पूर्व प्रधानमन्त्री तथा वरिष्ठ राजनीतिज्ञ डा. तुलसी गिरीको बुधबार पशुपति आर्यघाटमा अन्तिम संस्कार गरिने भएको छ । बुधबार दिउँसोे तीनबजे पशुपतिको विद्युतीय शवदाह गृहमा उनको अन्तिम संस्कार गरिने परिवारजनले जानकारी दिएका छन् ।
मंगलबार बिहान बुढानिलकण्ठ स्थित आफ्नै निवासमा डा. गिरीको निधन भएको थियो । उनको निधनप्रति प्रधानमन्त्री केपी शर्मा ओली, पूर्वराजा ज्ञानेन्द्र शाह लगायतले दुःख व्यक्त गरेका छन् ।
डा. गिरीको अन्तिम संस्कारमा राजकीय सम्मान दिइने वा नदिइने कुराको टुंगो लागेको छैन ।
