By एभरेष्ट अन्लाईन खबर 
झापा । झापा आन्दोलनमा संलग्न भइ नेपाली कम्युनिष्ट आन्दोलनको अगुवाइ गरेका शहीद राम प्रधानलाई राष्ट्रिय शहीद घोषणा गर्न माग उठेको छ । प्रधानकै नाममा स्थापित शहीद राम प्रधान स्मृति केन्द्रले उनलाई राष्ट्रिय शहीद घोषणा गर्न माग गरेको हो ।
केन्द्रका अध्यक्ष चिन्तन पाठकले झापा संघर्षसंग जोडिएका अन्य शहीदहरुलाई राष्ट्रिय शहीदकारुपमा घोषणा गरेपनि प्रधान र चन्द्र डाङीको नाम छुटेको जानकारी दिए ।
पाठकका अनुसार २०३० साल कात्तिक ५ गते प्रधानको इलामको शान्तिपुरस्थित जुरे भन्ने ठाउँमा निर्मम हत्या गरिएको थियो । प्रधानको व्यक्तित्व, उनको योगदान र हत्याबारे थप अध्ययन र अनुसन्धान गर्न केन्द्रको टोली केन्द्रीय नेताहरुसहित इ्लाम पुगेको छ।
केन्द्रका अध्यक्ष पाठक तत्कालिन एमालेका जिल्ला अध्यक्ष थिए । उनी एमाले र माओवादी केन्द्र एकीकृत भएपछि नेकपाको जिल्ला अध्यक्ष बन्ने लगभग निश्चित छ ।
