प्रदेश २ को नाम राख्न डा. हरिवंश झाको संयोकत्वमा ३ सदस्यीय आयोग  गठन

जनकपुर। प्रदेश नम्बर २ को नाम के राख्ने भन्ने  टुंगो लगाउन प्रदेश सरकारले  आयोग गठन गरेको छ ।  प्रदेश नम्बर २ को मन्त्रिपरिषद् बैठकले प्रदेशको नाम र स्थायी राजधानी टुंगो लगाउन डा. हरिवंश झाको संयोकत्वमा ३ सदस्यीय संवाद तथा सुझाव आयोग  गठन गरेको हो । समितिको सदस्यमा मोहनलाल चौधरी र रामप्रवेश बैठा रहेका छन् ।

आयोगलाई ४५ दिन भित्र प्रदेशको नामाकंन र स्थायी राजधानीको टुंगो लगाउने जिम्मा दिइएको छ । समितिले  प्रतिवेदन दिएपछि प्रदेश सरकारले  आवश्यक निर्णय लिने छ ।