By एभरेष्ट अन्लाईन खबर 
काठमाडौं । काठमाडौंको एक गेष्टहाउसमा प्रेमिकाको हत्या गरी फरार भएका अभियुक्त पक्राउ परेका छन् । पक्राउ पर्नेमा खोटाङ बराहपोखरी गाउँपालिका–६ मौवाबोटेका २२ वर्षीय अनिल परियार रहेका छन् ।
महानगरीय अपराध महाशाखाको टोलीले परियारलाई कास्कीको पोखरा महानगरपालिका–७ बाट पक्राउ गरेको हो । पक्राउ परेका अनिलले गत भदौ १३ गते काठमाडौंको बसुन्धारास्थित स्पिड गेष्टहाउसको १०१ नम्बर कोठामा प्रेमिका लक्ष्मी नेपालीको हत्या गरेको प्रहरीले जनाएको छ ।
अनिल र लक्ष्मी भदौ १२ गते सँगै होटलमा बस्न गएका थिए । त्यसपछि सामान्य भनाभनमा आफूले लक्ष्मीको हत्या गरेको पक्राउ पछि अनिलले स्वीकार गरेका छन् ।
