By एभरेष्ट अन्लाईन खबर 
जनकपुर। प्रदेश नं. २ सरकारले अपराध न्यूनीकरणका लागि ल्याइएको ‘हेल्लो सिएम’ एप सार्वजनिक गरेको छ । प्रदेश प्रहरी कार्यालयको आयोजनामा भएको समुदाय प्रहरी साझेदारी कार्यक्रमको उद्घाटनल गर्दै मुख्यमन्त्री लालबाबु राउतले ‘हेल्लो सीएम’ एपको पनि सार्वजनिक गरेका हुन् ।
मुख्यमन्त्री राउतले बढ्दै गएको महिला हिंसा सम्बन्धि घटनाहरुलाई न्यूनीकरण गर्न हेल्लो ‘सिएम एप’ प्रभावकारी भूमिका निर्वाह गर्ने विश्वास व्यक्त गरे । उनले सिएम एपको बारेमा ग्रामीण स्तरसम्म जानकारी गराउने गरि सचेतनामुलक कार्यक्रम अभियान सञ्चालन गरिने बताए ।
हेल्लो सिएम एपमा आफुसँग भएका घटना सिधै नजिकको प्रहरी कार्यालयमा जानकारी गराउन सकिने सुविधा रहेको छ ।
