By एभरेष्ट अन्लाईन खबर 
काठमाडौ,२१ बैशाख ।
नेपाली कांग्रेसले स्थानीय चुनावमा पार्टीका आधिकारिक उम्मेद्वारविरुद्ध उम्मेद्वारी दर्ता गरेकाहरुलाई उम्मेद्वारी फिर्ता लिन निर्देशन दिएको छ । सार्वजनिक सूचना निकालेर कांग्रेसले पार्टीका आधिकारिक उम्मेद्वारविरुद्ध बागी उम्मेद्वारी दर्ता गरे गराएको भए बिहीबार दिउँसो १ देखि ५ बजेसम्मको समयमा उम्मेद्वारी फिर्ता लिइ आधिकारिक उम्मेद्वारलाई जिताउन लाग्न निर्देशन दिएको हो ।
उम्मेद्वारी फिर्ता नलिए त्यस्ता उम्मेद्वार र उनीहरुका प्रस्तावक तथा समर्थकलाई पार्टीबाट निष्काशन गरिने चेतावनी पनि कांग्रेसले दिएको छ ।
