घुस्याह डीएसपीविरुद्ध मुद्दा दायर

काठमाडौँ ।अख्तियार दुरुपयोग अनुसन्धान आयोगले महानगरीय प्रहरी वृत बौद्ध काठमाडौंका डीएसपी श्यामकुमार राईविरुद्ध विशेष अदालतमा मुद्दा दायर गरेको छ ।

राईविरुद्ध अख्तियारले बिगो एक लाख चालीस हजार कायम गरी भ्रष्टाचार निवारण ऐन, २०५९ को दफा ३ को उपदफा (१) र सोही दफाको उपदफा (१) को देहाय (घ ) बमोजिम जरिवाना र कैद सजाय हुन मागदावी गर्दै विशेष अदालतमा मुद्दा दायर गरेको अख्तियारद्वारा जारी विज्ञप्तिमा उल्लेख गरिएको छ।