By एभरेष्ट अन्लाईन खबर 
एजेन्सी । म्यानचेस्टर सिटीले साउथ ह्याम्पटनमाथि ६–१ को विजय हासिल गर्दै इङ्लिस प्रिमियर लिगको शीर्ष स्थानमा उक्लिएको छ । वेस्ले होडको आत्मघाती गोलबाट छैटौं मिनेटमा अग्रता लिएको सिटीले १२औं मिनेटमा सर्जियो अग्विरोको गोलबाट अग्रता दोब्बर बनायो ।
त्यसको ६ मिनेटपछि डेभिड सिल्भाले अग्रता दोब्बर बनाए । पहिलो हाफको अन्तिम मिनेटमा व्यक्तिगत पहिलो गोल गरेका स्टर्लिङले ६७औं मिनेटमा अर्को गोल थपे । इन्जुरी समयमा लोरी सानले गोल गरे । ३०औं मिनेटमा ड्यानी इङ्सले पेनाल्टीबाट गरेको गोल साउथ ह्याम्पटनका लागि सान्त्वना बन्यो । दुई गोल आफै गरेका स्टर्लिङले साने र अग्विरोलाई गोलको अवसर सिर्जना गरिदिएका थिए ।
जितसँगै सिटी लिगको शीर्ष स्थानमा उक्लिएको छ । ११ खेलबाट २९ अंक जोडेको सिटी लिभरपुललाई पछि पार्दै शीर्ष स्थानमा उक्लिएको हो । २७ अंक जोडेको लिभरपुल तेस्रो स्थानमा झरेको छ ।
आइतबार राति नै क्रिष्टल प्यालेसलाई ३–१ ले हराएको चेल्सी दोस्रो स्थानमा छ । लिभरपुल र चेल्सीको समान अंक भए पनि गोलअन्तरमा चेल्सी दोस्रो स्थानमा रहेको छ ।
