By एभरेष्ट अन्लाईन खबर 
एजेन्सी । अन्तर्राष्ट्रिय मैत्रीपूर्ण खेलमा ब्राजिलले साउदी अरेबियालाई हराएको छ । १० खेलाडीमा सीमित भएको साउदी अरेबियालाई ब्राजिलले २–० ले हराएको हो ।
रियादमा भएको खेलमा ब्राजिललाई जिताउने क्रममा गाब्रियल जिसस र एलेक्स सान्ड्रोले गोल गरे । मोहम्मद अल–ओवपाइस रातो कार्ड खाँदै मैदानबाट बाहिरिएपछि साउदी अरेबिया १० खेलाडीमा सीमित भएको थियो अन्तिमको केही समय ।
जिससले ४३ औँ मिनेटमा गोल गरेपछि पहिलो हाफमा ब्राजिलले १–० को अग्रता लियो । उनले ब्राजिलका लागि २३ औँ सहभागितामा ११ औँ गोल गरेका हुन् । ८५ औँ मिनेटमा रातो कार्ड खाँदै अल–ओवाइस बाहिरिएपछि साउदी अरेबिया १० खेलाडीमा सीमित भयो ।
इन्जुरी समयको छैटौँ मिनेटमा सान्ड्रोले गोल गरेपछि ब्राजिल २–० ले विजयी भयो । उनले नेइमारको पासमा हेड मार्फत गोल गरेका हुन् ।
