By एभरेष्ट अन्लाईन खबर 
काठमाडौं । नेपाल टेलिकमले चौथो पुस्ताको मोबाइल सेवा फोर जी विस्तार गर्न ३२ अर्ब रुपैयाँ लगानी गर्ने भएको छ । काठमाडौं र पोखराबाट सुरू गरेको सरकारी स्वामित्वको टेलिकमले देशभर एकैपटक फोरजी सेवा पुर्याउने जानकारी दिएको छ ।
सेवा विस्तारको लागि टेलिकमले नेटवर्क, विटिएस र टावर थप गर्न उक्त लगानी गर्ने भएको हो । यसको लागि विश्वव्यापीरूपमा आव्हान गरिएको टेन्डरमा भने चिनियाँ कम्पनीहरूकै बाहुल्यता रहेको छ । ३२ अर्बको अनुमानित लागत भएपनि टेन्डरबाट भने उक्त आयोजनाको लागि १७ अर्ब बराबरको मात्र प्रस्ताव भएको छ ।
एलटीइ कोर नेटवर्क र र्याम,विटिएस गरी दुई भागमा बाँडेर भएको टेन्डर आव्हानमा चिनियाँ कम्पनीहरूले बढी इच्छा देखाएका छन् ।
