By एभरेष्ट अन्लाईन खबर 
एजेन्सी । युएई र पाकिस्तानमा जारी पाँचौँ एकदिवसीय दृष्टिबिहीन विश्वकप क्रिकेटको पहिलो खेलमा नेपाल आयोजक पाकिस्तानसँग ९ विकेटले पराजित भएको छ ।
जिन्नाह स्टेडियमा नेपालले दिएको २५९ रनको लक्ष्य पाकिस्तानले १९ ओभर १ बलमा १ विकेट गुमाएर पूरा गर्यो ।
टस जितेर पहिले ब्याटिङ गरेको नेपालले पूरै ४० ओभर खेल्दै ५ विकेट गुमाएर २५८ रन बनाएको थियो । नेपालका लागि रमेश बहादुर बानियाँ ५९ तथा पदम बहादुर बडैलाले ५० रन जोडे । त्यस्तै भरत चौलागाईले ४९ तथा खिमानन्द गैरेले अविजित ३० रन बनाए ।
घरेलु मैदानमा जारी प्रतियोगितामा पाकिस्तानको यो लगातार दोस्रो जित हो । पाकिस्तानले सोमबार बंगलदेशमाथि ९ विकेटको जित निकालेको थियो ।
अब नेपालले बुधबार बंगलादेशसँग इकबाल स्टेडियमा खेल्नेछ ।
