By एभरेष्ट अन्लाईन खबर 
झापा । झापा जिल्लामा २७औँ राष्ट्रिय पुरुष र आठौँ राष्ट्रिय महिला बक्सिङ प्रतियोगिता सुरु भएको छ ।
राष्ट्रिय खेलकुद परिषद्को आयोजनामा प्रतियोगिता हुन लागेको हो । खेलमा विभागीय टोली नेपाल आर्मी, नेपाल प्रहरी, सशस्त्र प्रहरीसहित देशभरका २८ वटा टिमको सहभागिता रहेको छ ।
प्रतियोगितामा महिला र पुरुष गरी २ सय १० जना खेलाडी र ५२ जना निर्णायकहरुको सहभागिता छ । प्रतियोगिता पुस २६ गतेसम्म सञ्चालन हुने छ ।
