By एभरेष्ट अन्लाईन खबर 
काठमाडौं । कानुन, न्याय तथा संसदीय मामिला मन्त्री यज्ञबहादुर थापाले सरकारले सोमबार प्रदेश प्रमुख तोक्ने जनाउनु भएको छ ।सोमबार बस्ने मन्त्रिपरिषद बैठकले सबै प्रदेश प्रमुख तोक्ने उहाँले बताउनुभयो ।
आईतबार काठमाडौंमा आयोजित साक्षात्कार कार्यक्रममा बोल्दै मन्त्री थापाले प्रशासनिक र कानुनी क्षेत्रमा उल्लेख्य योगदान दिएका र स्वतन्त्र पहिचान बनाएकाहरुलाई प्रदेश प्रमुख बनाउन सरकार लागि परेको जानकारी दिनुभयो ।
मन्त्री थापाले प्रदेशको राजधानी भने सरकारले तोक्न नमिल्ने बताउनुभयो । संविधानले प्रदेशसभालाई नै प्रदेशको राजधानी तोक्ने अधिकार दिएकाले सरकार अस्थायी राजधानी तोकेर अघि बढने पक्षमा नरहेको उहाँले प्रष्ट पार्नुभयो ।
