By एभरेष्ट अन्लाईन खबर 
काठमाडौं । चार दिनपछि बहुमूल्य धातु सुनको भाउ घटेको छ । सुन तोलाको ५९ हजार ३ सय रुपैयाँमा झरेको छ । पछिल्ला चार दिन सुनको छापावाल सुनको भाउ तोलाको ५९ हजार ५ सय रुपैयाँमा कारोबार भएको थियो ।
गत बिहीबार ३ सयले घटेर तोलाको ५९ हजार ५ सय रुपैयाँमा झरेको सुनको भाउ त्यसको अघिल्लो दिन बुधबार भने २ सय रुपैयाँ घटेर ५९ हजार ८ सयमा कारोबार भएको थियो । तर, मंगलबार भने तोलाको ६० हजार रुपैयाँ पुगेको थियो । यसअघि गत कात्तिक २० गते पनि सुन तोलाको ६० हजार रुपैयाँ पुगेको थियो । त्यसयता यसको भाउ उतारचढावपूर्ण रहँदै आएको छ ।
अघिल्लो साता सोमबार ५९ हजार ४ सय रुपैयाँ, आइतबार ५९ हजार रुपैयाँ र शुक्रबार प्रतितोला ५८ हजार ५ सयमा कारोबार भएको थियो ।
नेपाल सुनचाँदी व्यवसायी महासंघका अनुसार आइतबारको दाँजोमा सोमबार छापावाल सुनको भाउ प्रतितोला २ सयका दरले घटेर ५९ हजार ३ सय रुपैयाँमा कारोबार भइरहेको छ । तेजाबी सुनको भाउ भने प्रतितोला ५९ हजार रुपैयाँमा कारोबार भइरहेको छ ।
चाँदी प्रतितोला ७ सय २५ रुपैयाँमा झरेको छ ।
