स्पेनिस ला लिगा फुटबलमा बार्सिलोना एट्लेटिको मड्रिडसँग बराबरीमा रोकियो

एजेन्सी ।  बार्सिलोना स्पेनिस ला लिगा फुटबलमा एट्लेटिको मड्रिडसँग बराबरीमा रोकिएको छ । पाहुना टोली बार्सिलोना एट्लेटिको मड्रिडसँग १-१ गोलको बराबरीमा रोकिएको हो । एट्लेटिको मड्रिडका लागि डिएगो कोष्टाले गोल गरेका थिए । यता, बार्सिलोनाका लागि भने ओसुमाने डेम्बेलेले गोल गरेका थिए ।

बार्सिलोनाका लागि खेलको ९०औं मिनेटमा डेम्बेलेले गोल हार बाट जोगाए । बराबरीसँगै बार्सिलोनाको १३ खेलबाट २५ अंक भएको छ । त्यस्तै, एट्लेटिको मड्रिडको १३ खेलबाट २४ अंक भएको छ ।