By एभरेष्ट अन्लाईन खबर 
काठमाडौँ । नेपाल कम्युनिस्ट पार्टी (नेकपा)को स्थायी कमिटी बैठक स्थगित भएको छ । सोमबार र मंगलबारका लागि लागि बोलाइएको बैठक अर्को सूचना जारी नहुँदासम्मका लागि स्थगित भएको हो ।
प्रधानमन्त्री तथा पार्टी अध्यक्ष केपी शर्मा ओली स्वास्थ्य समस्या आएको तथा महासचिव विष्णु पौडेल र सचिवालय सदस्य रामबहादुर थापा बादल रहेको कार्यदलले काम नकसेपछि स्थायी कमिटी बैठक सरेको हो । पार्टीको तल्लो कमिटी, विभाग, जनवर्गीय संगठनहरुबीच एकताको काम नटुंगिएका कारण पनि बैठक बस्न नसकेको बुझिएको छ ।
यसअघि सचिवालय बैठकले सचिवालय सदस्य थापा र महासचिव पौडेललाई पार्टी एकताको सम्पुर्ण बाँकी काम र नेकपा केन्द्रीय कमिटीको कार्यविभाजनको अन्तिम खाका बनाउन दुईवटा वटा शक्तिशाली कार्यदल गठन गरेर जिम्मा दिएको थियो ।
स्थायी कमिटीको बैठक गत २१ असारयता बस्न सकेको छैन ।
