By एभरेष्ट अन्लाईन खबर 
बीबीसी । इङ्गलिस प्रिमियर लिग फुटबलमा एभर्टनले क्रिष्टल प्यालेसलाई २–० ले हराएको छ । एभर्टनको मैदानमा भएको खेलमा घरेलु टोलीलाई विजयी गराउन कालभर्ट लेविन र सेन्क टोसुनले एक एक गोल गरे ।
जितसँगै एभर्टन प्रिमियर लिगको अंक तालिकाको आठौं स्थानमा उक्लिएको छ । ९ खेलबाट उसको १५ अंक भएको छ । समान खेलबाट २३ अंक जोडेका म्यान्चेस्टर सिटी र लिभरपूल क्रमशः पहिलो र दोस्रो स्थानमा रहेका छन् ।
तेस्रो स्थानको चेल्सी र चौथो स्थानको टोटनह्याम हट्सपरको २१–२१ अंक छ । एक खेल कम खेलेको आर्सनल १८ अंकको साथ पाँचौ स्थानमा छ ।
