By एभरेष्ट अन्लाईन खबर 
बीबीसी । अमेरिकी विदेश मन्त्री माइक पोम्पेओले साउदी अरबका राजा सलामानलाई भेट्दैछन् । दुई हप्तादेखि बेपत्ता साउदी अरेबियाका पत्रकार जमाल खाशोग्गीका बारेमा पोम्पेओले साउदी अरेबियाका राजा सलमानसँग कुराकानी गर्न लागेका हुन् ।
अमेरिकी पत्रिका द वासिङ्गटन पोस्टमा लेख्ने पत्रकार खाशोग्गी यहि अक्टोबर २ देखि टर्कीबाट बेपत्ता छन् । उनको हत्या भएको आशंका गरिएको छ । खाशोग्गी बेपत्ता भएसँगै अमेरिका र साउदी अरेबिया बिचको सम्बन्धमा तनाव उत्पन्न भएको थियो ।
अमेरिकी राष्ट्रपति डोनाल्ड ट्रम्पले साउदी अरेबियाका राजा सलमानसँग सोमबार टेलिफोन वार्ता भयो र राजा सलमानले पत्रकार खाशोग्गीका बारेमा आफूहलाई कुनै पनि प्रकारको जानकारी नरहेको स्पष्ट पारे । यसपछि ट्रम्पको बोली फेरिएको छ ।
ट्रम्पका प्रतिनिधि बनेर पत्रकार खाशोग्गीका बारेमा कुरा गर्न अमेरिकी विशेद मन्त्री पोम्पेओ रियाद पुगेका हुन् ।
