By एभरेष्ट अन्लाईन खबर 
एजेन्सी । इंग्लिस प्रिमियर लिग फुटबल खेलमा शीर्ष स्थानको म्यानचेस्टर सिटीले प्रभावशाली जित निकालेको छ । घरेलु मैदानमा भएको खेलमा म्यानचेस्टर सिटीले बर्नलीलाई ५–० ले हराएको हो । १७ औँ मिनेटमा सर्जियो अग्युरोले गोल गर्दै पेप गार्डिवलाको टिम सिटीलाई पहिलो हाफमा १–० को अग्रता दिलाए ।
दोस्रो हाफमा सिटीले थप चार गोल गरेको हो । ५४ औँ मिनेटमा बर्नार्डो सिल्भाले गोल गर्दै अग्रता दोब्बर पारे । ५६ औँ मिनेटमा फरनान्डिन्हो, ८३ औँ मिनेटमा रियाद महरेज तथा ९० औँ मिनेटमा लिरोय सानेले गोल गरेपछि म्यानचेस्टर सिटी ५–० ले विजयी भएको हो ।
जितपछि शीर्ष स्थानको सिटीको ९ खेलबाट २३ अंक भएको छ । राति नै भएको अर्को खेलमा कार्डिफले फुलह्यामलाई ४–२ तथा वाट्फोर्डले वुल्भ्सलाई २–० ले हरायो ।
