By एभरेष्ट अन्लाईन खबर 
गोरखा । काठमाडौंको हनुमानढोका दरबारमा भित्रउनका लागि यो वर्ष पनि गोरखाबाट फूलपाती लगिएको छ । गोरखा दरबारबाट मंगलबार बिहान ९ बजे बोलेरो जिपमा राखेर फूलपाती काठमाडौं ल्याइएको हो ।
फूलपातीको डोली बोकेर गोरखाका प्रमुख जिल्ला अधिकारी नारायणप्रसाद भट्टराई र गोरखा नगरपालिकाका मेयर राजनराज पन्तले काठमाडौं लैजाने जिपमा राखेका थिए । नेपाल एकीकरणपछि काठमाडौंलाई राजधानी बनाइएसँगै हरेक बडादसैंमा गोरखाबाट फूलपाती काठमाडौं लैजाने चलन सुरु भएको हो ।
पहिले–पहिले गोरखाबाट बोकेर धादिङको जीवनपुर हुँदै पैदलयात्राबाटै फूलपाती काठमाडौं लैजाने गरिन्थ्यो । तर, सडक निर्माणसँगै फूलपाती गोरखा दरबारबाट यातायतको साधनमै राखेर काठमाडौं लैजान थालिएको हो ।
