By एभरेष्ट अन्लाईन खबर 
चिनवन । नेकपा माओवादी केन्द्रका अध्यक्ष पुष्पकमल दाहालले बर्तमान सरकारले गरेका दीर्घकालिन असर पार्ने निर्णयहरु नयाँ सरकारले उल्टाउने बताएका छन् ।
शनिबार चितवनको भरतपुर विमानस्थलमा पत्रकारहरुसंग कुरा गर्दै अध्यक्ष दाहालले वर्तमान सरकारले गरेका निर्णयहरु औचित्यका आधारमा फेर्ने बताएका हुन् ।
अध्यक्ष दाहालले भने, ‘जनमत अनुसारको सरकार बनेपछि गर्नुपर्ने कामहरु पनि कामचलाउ सरकारले गरेको छ, कामचलाउ सरकारले सिमा बाहिर पुगी गरेका निर्णयहरु उल्टाइन्छ । ’
अध्यक्ष दाहालले बामगठबन्धनको सरकार बनेपछि मधेसी दलहरु पनि सरकारमा सहभागी हुने दाबी गरे । मधेसी दलले उठाउदै आएको संविधान संशोधनको माग बारे पनि समझदारी बन्ने सम्भावना रहेको उनले बताए ।
अध्यक्ष दाहालले सरकार गठन अघि नै पार्टी एकता हुने दाबी समेत गरे ।
