By एभरेष्ट अन्लाईन खबर 
आज(बुधबार) उनी उडिसा जाँदै छन् । भोलि(बिहीबार) गुजरात पुग्ने कार्यक्रम छ । यसक्रममा उनले सोमनाथ, द्वारिकाधीश मन्दिर लगायतको तीर्थाटन गर्ने कार्यक्रम छ ।
यसअघि मंगलबार राष्ट्रपति भण्डारीसँग समकक्षी प्रणव मुखर्जी र भारतीय प्रधानमन्त्री नरेन्द्र मोदीले भेटवार्ता गरेका थिए ।
भेटमा राष्ट्रपति भण्डारीले नेपाल निर्वाचनमार्फत् संविधान कार्यान्वयन गर्न लागेको बताएकी थिइन् ।
भारतीय राष्ट्रपति मुखर्जीले चुनाव गराउने नेपालको पहलको सह्राना गरेका थिए ।
प्रधानमन्त्री मोदीले भने भारतले आफ्नो विकाससँगै देवभूमि नेपालको विकास पनि अघि बढाउन चाहेको बताएका थिए ।
भेटमा आपसी हित, दुई पक्षीय सम्बन्ध सुदृढीकरणलगायतका विषयमा छलफल भएको अधिकारीहरुले बताएका छन् ।
राष्ट्रपति भण्डारीसँग उपराष्ट्रपति हमिद अन्सारी, विदेशमन्त्री सुष्मा स्वराज, गृहमन्त्री राजनाथ सिंह र वित्तमन्त्री अरुण जेटलीलगायत नेताले पनि भेट गरेका थिए । राष्ट्रपति भण्डारी शुक्रबार नेपाल फर्कने कार्यक्रम छ ।
