By एभरेष्ट अन्लाईन खबर 
काठमाडौं । काठमाडौंको टोखा नगरपालिकाका प्रमुख प्रशासकीय अधिकृत एक लाख घुस सहित पक्राउ परेका छन् । अख्तियार दुरुपयोग अनुसन्धान आयोगको टोलीले अधिकृत कृष्णप्रसाद सुवेदीलाई १ लाख रुपैयाँ घुस रकमसहित कार्यालयबाटै पक्राउ गरेको हो ।
उपभोक्ता समितिमार्फत निर्माण गरिएको सडकको अन्तिम बिल भुक्तानी गर्ने प्रयोजनको लागि अधिकृत सुवेदीले घुस माग गरेको सूचनाका आधारमा आयोगबाट खटिएको टोलीले उनलाई १ लाख रुपैयाँ घुस लिइसकेको अवस्थामा पक्राउ गरेको हो । उनीमाथि थप अनुसन्धान भइरहेको आयोगले बताएको छ ।
