By एभरेष्ट अन्लाईन खबर 
काठमाडौं । सर्वोच्च अदालतमा अवहेलना सम्बन्धी डा. गोविन्द केसीविरुद्धको मुद्दाको बहस चलिरहँदा डा. केसीले इजलासमा प्रधानन्यायाधीश पराजुली भ्रष्ट र माफिया रहेको अभिव्यक्ति दोहर्याएका छन ।
सरकारकातर्फबाट वरिष्ठ अधिवक्ता प्रकाश केसी, रमण श्रेष्ठ र श्याम खरेलले बहस सकेपछि केसीले समय माग्दै आफनो अभिव्यक्ति दिएका हुन । उनको अभिव्यक्तिको केही अधिवक्ताले बिरोध गरेका थिए ।
त्यसक्रममा केसीले आफू कसैको दास नभएर सार्वभौम देशको सचेत नागरिक भएको भन्दै संविधानले दिएको अभिव्यक्ति स्वतन्त्रताको हक प्रयोग गरेको बताएका थिए । उनले आफू रैती नभई सार्वभौम देशको नागरिक भएको बताएका थिए ।
उनले भने, ‘मलाई सार्वभौम संविधानले फ्रिडम अफ एक्सप्रेसनको अधिकार दिएको छ। त्यसैले म रैती होइन, सार्वभौम देशको नागरिक हो। मैले अदालतको मानहानि गरेको छैन। ‘
