By एभरेष्ट अन्लाईन खबर 
काठमाडौं, जेठ ९ । उपप्रधान एवं अर्थमन्त्री कृष्णबहादुर महराले निर्वाचन आचारसंहिता प्रतिकूल नहुने गरी जेठ १५ गते पूर्ण आकारको बजेट ल्याउने बताएका छन् ।
प्रधानमन्त्रीको सरकारी निवास बालुवाटारमा मंगलबार प्रमुख दलहरुसँगको छलफलपछि महराले पूर्ण आकारको बजेट ल्याउने गरी सरकार जुटेको बताए ।
उनले संविधानले दिएको अधिकार प्रयोग गरेर सरकारले बजेट ल्याउने प्रस्ट पारे ।
बैठकमा प्रधानमन्त्री पुष्पकमल दाहाल, नेपाली कांग्रेसका सभापति शेरबहादुर देउवा, एमाले अध्यक्ष केपी शर्मा ओलीलगायतका नेता सहभागी थिए ।
